سنڌ اسيمبلي، پبلڪ اڪائونٽس ڪميٽي پاران سنڌو مان نوان ڪئنال ڪڍڻ واري منصوبي تي خدشن جو اظهار

ڪراچي (ويب ڊيسڪ) سنڌ اسيمبلي جي پبلڪ اڪائونٽس ڪميٽي سنڌو درياهه مان نوان ڪئنال ڪڍڻ واري منصوبي تي خدشن جو اظهار ڪندي سنڌ جو ڪيس ڀرپور نموني وڙهڻ جو فيصلو ڪري ورتو، چيئرمين نثار کهڙو جي صدارت هيٺ سنڌ اسيمبلي جي ڪميٽي روم ۾ سي اي سي جو اجلاس ٿيو، آبپاشي سيڪريٽري اجلاس کي بريفنگ ڏيندي چيو ته چولستان ڪئنال منصوبو ڏکڻ پنجاب جون زمينون آباد ڪرڻ جو منصوبو آهي، چشما جهلم ڪئنال ۽ ٽي پي لنڪ ڪئنال مان سنڌ جو پاڻي کنيو ويندو، پبلڪ اڪائونٽس ڪميٽي آبپاشي کاتي کي ڪيس تيار ڪرڻ جي هدايت ڪري ڇڏي.