چيئرمين جوائنٽ چيفس آف اسٽاف جنرل ڊين ڪين جي آمريڪي سينيٽرز کي ايران جي ايٽمي اڏن تي حملي بابت بريفنگ
واشنگٽن (انٽرنيشنل ڊيسڪ) آمريڪي ميڊيا دعويٰ ڪئي آهي ته آمريڪا اصفهان ۾ ايران جي ايٽمي ٿاڪن تي حملي دوران بَنڪر بسٽر بم استعمال نه ڪيا.
چيئرمين جوائنٽ چيفس آف اسٽاف جنرل ڊين ڪين آمريڪي سينيٽرز کي ايران جي جوهري اڏن تي حملي بابت بريفنگ ڏني.
ميڊيا رپورٽن موجب آمريڪي فوج ايران جي وڏي ايٽمي سائيٽن مان هڪ تي به بنڪر بسٽر بم استعمال نه ڪيو.
اصفهان جي ايٽمي ٿاڪ ۾ 60 سيڪڙو افزوده يورينيم موجود هئي، بَنڪر بسٽر بم ان لاءِ استعمال نه ڪيا ويا ته اهي ڪارائتا ثابت نه ٿين ها، فردو ۽ نطنز جي تنصيبن تي بَنڪر بسٽر بم ڪيرايا ويا هئا.
