بجلي جي 5 سئو ارب رپين جي سالياني چوري وڏو چئلينج آهي: تقريب کي خطاب
اسلام آباد (نيشنل ڊيسڪ) وزيراعظم بجليءَ جي بل مان پي ٽي وي جي فيس ختم ڪرڻ جو اعلان ڪري ڇڏيو.
وزيراعظم شهباز شريف چيو ته بجلي جي 5 سئو ارب رپين جي سالياني چوري وڏو چئلينج آهي، توانائي جي شعبي ۾ بجلي چوري اهم مسئلو آهي.
وزيراعظم شهباز شريف پاور سمارٽ موبائيل ايپ جي افتتاحي تقريب کي خطاب ڪندي چيو ته پنهنجو ميٽر پنهنجي ريڊنگ منصوبي جي افتتاح تي خوشي آهي.
وزيراعظم چيو ته موبائيل ايپ جو مقصد ميٽر ريڊنگ جي نظام ۾ شفافيت ۽ اوور بلنگ جو خاتمو آڻڻ آهي.
بجلي جي قيمتن ۾ گهٽتائي لاءِ قدم کڻڻ اهم اوليت هئي، محنت سان ان ۾ ڪاميابي ملي، سڌارن واري عمل کي وڌيڪ تيز ڪرڻو آهي.
وزيراعظم وڌيڪ چيو ته آءِ پي پيز سان ڳالهيون به انتهائي اهم مرحلو هو، ملڪ ۾ سولرائزيشن جي حوصلا شڪني نه ڪئي ويندي.
