ملڪ ۾ چلڊرين ڪورٽس بڻائڻ جي ضرورت آهي: جسٽس منصور علي شاهه

اسلام آباد (ويب ڊيسڪ) جسٽس منصور علي شاهه چيو آهي ته ملڪ ۾ چلڊرين ڪورٽس بڻائڻ جي ضرورت آهي، عدليه کي ٻارن جي حقن جو تحفظ ڪرڻ گهرجي، ڏسڻو پوندو ته اسان جو نظام ٻارن جي حقن لاءِ ڇا ڪري رهيو آهي؟ ٻارن کي به اظهار جي آزادي جو حق آهي، اسان جا ٻار اسان لاءِ اهم هئڻ گهرجن، ٻارن کي فيصلا سازي ۾ شامل ڪرڻ گهرجي. جسٽس منصور علي شاهه جو اسلام آباد ۾ سيمينار کي خطاب ڪندي جسٽس منصور علي شاهه چيو ته عدليا ۾ جيڪڏهن ٻار پيش ٿيندا آهن ته انهن کي ڳالهائڻ جو موقعو نه ڏنو ويندو آهي، ٻارن کي هميشه چوندو آهيان ته عدالت اچن، آئون آئيني بينچ ۾ شامل نه آهيان پر منهنجا ساٿي اوهان کي ٻڌندا، ٻار نه صرف اسان جو مستقبل پر حال به آهن، ٻارن جي بهتر مستقبل لاءِ اسان سڀني کي ڪم ڪرڻو پوندو.