سپريم ڪورٽ جي آئيني بينچ پي آءِ اي  جي نجڪاري جو حڪم واپس وٺي ڇڏيو

اسلام آباد (ويب ديسڪ) سپريم ڪورٽ جي آئيني بينچ پي آءِ اي  جي نجڪاري جو حڪم واپس وٺي ڇڏيو، عدالت ڪيس اُڪلائي ڇڏيو، سپريم ڪورٽ پي آءِ اي انتظاميه کي نوان پروفيشنل ڀرتي ڪرڻ جي اجازت ڏني هئي، حڪومت پاران پي آءِ اي جي نجڪاري جو عمل شروع ڪيو ويو پر نجڪاري جي عمل سبب ڪا به نئين ڀرتي نه ڪئي وئي هئي. ايڊيشنل اٽارني جنرل عدالت کي آگاهه ڪندي چيو ته نجڪاري جو عمل ٻيهر ڪميشن ذريعي ٿيڻ وارو آهي، پي آءِ اي جي فلائيٽ آپريشن تان پابندي به هٽائي وئي آهي ان موقعي تي آئيني بينچ جي سربراهه جسٽس امين الدين خان رمارڪس ڏيندي چيو ته ٻيهر نجڪاري جي عمل ۾ قيمتون وڌيڪ ٿي سگهن ٿيون.