سوات واقعي تي سياسي پوائنٽ اسڪورنگ افسوس جوڳي آهي: ڪراچيءَ ۾ پريس ڪانفرنس
ڪراچي (ويب ڊيسڪ) سنڌ جي سينيئر صوبائي وزير شرجيل انعام ميمڻ چيو آهي ته وزيرستان ۾ شهيد ٿيندڙ پاڪ فوج جي 13 جوانن کي سلام پيش ڪريان ٿو.
ڪراچي ۾ پريس ڪانفرنس ڪندي سينيئر صوبائي وزير چيو ته اسان جي فورسز هر محاذ تي دشمنن سان وڙهي رهي آهي.
نئين مالي سال جي بجيٽ ۾ توانائي جي شعبي ۾ خاص ڌيان ڏنو ويو، صحت جي شعبي جي بهتري لاءِ قدم کنيا پيا وڃن.
شرجيل انعام ميمڻ چيو ته بلاول ڀٽو زرداري دنيا سامهون ڀارت کي وائکو ڪيو، عالمي ٽياڪڙ عدالت سنڌ طاس معاهدي تي پاڪستان جو موقف تسليم ڪيو.
هن چيو ته سنڌ ۾ لکين خاندانن کي سولر سسٽم ڏنا پيا وڃن، صوبي ۾ روڊن جو ڄار وڇايو پيو وڃي، اليڪٽرڪ بسون گهرايون ويون آهن.
شرجيل ميمڻ چيو ته بلاول ڀٽو زرداريءَ چيو ڀارت سنڌ طاس معاهدو هڪ طرفو معطل نٿو ڪري سگهي، بلاول ڀٽو زرداري پاڪستان جو امن جو پيغام سموري دنيا ۾ پهچايو.
سينيئر وزير چيو ته سرڪاري عمارتن کي سولرائيز ڪيو پيو وڃي، سنڌ ۾ ٽرانسپورٽ نظام لاءِ انقلابي قدم کنيا پيا وڃن.
شرجيل ميمڻ چيو ته ن ليگ طرفان پ پ کي حڪومت ۾ شامل ٿيڻ جي ڪا دعوت ناهي ملي، پ پ هن وقت وفاقي حڪومت جو حصو بڻجڻ تي غور نه پئي ڪري.
سنڌ جي شهرن ۾ 12- 12 ۽ ٻهراڙين ۾ 18-18 ڪلاڪ لوڊشيڊنگ ڪئي پئي وڃي، سکر- حيدرآباد موٽروي لاءِ رکيل رقم ناڪافي آهي.
سنڌ بجيٽ ۾ تعليم، صحت ۽ صاف پاڻي تي ڌيان ڏنو ويو آهي، سنڌ سرڪار هارين کي ٻج مفت فراهم ڪري رهي آهي، پي ٽي آءِ باني ناڪاري سياست ڇڏي ڏئي.
هن چيو ته پي ٽي آءِ باني جي ٽيم ملڪ کي عالمي سطح تي نقصان پهچائي پئي، پي ٽي آءِ کي سمجھه کان ڪم وٺڻ گهرجي.
سينيئر صوبائي وزير وڌيڪ چيو ته سوات واقعي تي سياسي پوائنٽ اسڪورنگ افسوس جوڳي آهي.
