پاڪستان ڪشمير مسئلي جو حل گڏيل قومن جي ٺهراءَ تحت چاهي ٿو: پرڏيهي کاتي جي ترجمان

اسلام آباد (ويب ڊيسڪ) پرڏيهي ترجمان ممتاز زهريٰ بلوچ چيو آهي ته وزيراعظم شهباز شريف سعودي عرب جو دورو ڪيو، وزيراعظم رياض ۾ سعودي ولي عهد محمد بن سلمان سان ملاقات ڪئي، پرڏيهي کاتي جي ترجمان ممتاز زهريٰ بلوچ هفتيوار بريفنگ ڏيندي چيو ته وزيراعظم شهباز شريف رياض ۾ ون واٽر سمٽ اجلاس کي خطاب ڪيو، وزيراعظم پاڻي تڪرارن جي حل لاءِ علائقائي سهڪار تي زور ڀريو، شهباز شريف پاڻي تڪرارن جي حل خاطر ڊيٽا شيئرنگ لاءِ فريم ورڪ پڻ زور ڀريو. پاڪستان ڪشمير مسئلي جو حل گڏيل قومن جي ٺهراءَ تحت چاهي ٿو. پاڪستان کي شام جي صورتحال تي ڳڻتي آهي، هن چيو تهعلائقائي استحڪام لاءِ شام ۾ امن اڻٽر آهي.