سپريم ڪورٽ جي آئيني بينچ ۾ انٽرا ڪورٽ اپيلن جي ٻڌڻي

اسلام آباد (ويب ڊيسڪ) سپريم ڪورٽ جي آئيني بينچ ۾ انٽرا ڪورٽ اپيلن جي ٻڌڻي ٿي، ان موقعي تي جسٽس محمد علي مظهر رمارڪس ڏيندي چيو ته بنيادي حق معطل ٿيڻ لاءِ ايمرجنسي لاڳو هجڻ ضروري آهي، هن ڪيس ۾ به بنيادي حق معطل ٿيڻ جو ڪو به تعلق ناهي، مشرف جي دور ۾ به اپيل جو حق نه ڏئي حق معطل ڪيا ويا، هي معاملو مختلف آهي ته ٽرائل ٿي سگهي ٿو يا نه؟ بچاءَ واري وزارت جي وڪيل خواجا حارث دليل ڏيندي چيو ته ملٽري ٽرائل ڪالعدم ڏيڻ وقت آرٽيڪل 233 جي غلط تشريح ٿيندي، آرٽيڪل 233 جو فوجي عدالتن جي ڪيس سان ڪو به تعلق ناهي، پنج رڪني لارجر بينچ بنيادي حق معطل ٿيڻ جو تاثر ظاهر ڪيو، جسٽس جمال مندو خيل رمارڪس ڏنا ته آرٽيڪل 233 ۾ بنيادي حق معطل ڪرڻ جو ناهي چيو ويو، صدر آرڊر ذريعي چئي سگهي ٿو ته بنيادي حق معطل ٿين ٿا.