ايم ڪيو ايم اهڙي ڳالهه نه ڪري جنهن جي هو پاڻ ذميوار آهي: سعيد غني

ڪراچي (ويب ڊيسڪ) صوبائي وزير سعيد غنيءَ چيو آهي ته ايم ڪيو ايم اهڙي ڳالهه نه ڪري جنهن جي هو پاڻ ذميوار آهي، ايم ڪيو ايم وارا هاڻي چون ٿا ته واٽر بورڊ ۽ ڪي ايم سي تباهه ٿي ويا آهن. ڪراچيءَ ۾ ميڊيا جي نمائندن سان ڳالهائيندي صوبائي وزير جو چوڻ هو ته ايم ڪيو ايم کي ڪراچي جي مسئلن تي نه ڳالهائڻ گهرجي، ٻڌائڻ جي ضرورت نه آهي تھ روشين جي شهر کي ڪنهن تباهه ڪيو؟ ڪي فور منصوبو دير جو شڪار آهي، پي ٽي آءِ باني ڪي فور منصوبي جو ڪم بند ڪرايو، جاچ شروع ڪئي آهي، ڪراچي جا مسئلا سڀني کي گڏجي حل ڪرڻ گهرجن.