پارليامينٽ جي گڏيل اجلاس ۾ 4 بل منظور، پي ٽي آءِ ميمبرن جو احتجاج، گوڙ

اسلام آباد (نيشنل ڊيسڪ) پارليامينٽ جي گڏيل اجلاس ۾ 4 بل منظور ڪيا ويا، پي ٽي آءِ جو احتجاج، ميمبرن ايجنڊا جون ڪاپيون ڦاڙي ڇڏيون، اپوزيشن ميمبر پلي ڪارڊن سان گڏ ايوان ۾ داخل  ٿيا، پوائنٽ آف آرڊر تي ڳالهائڻ جي اجازت نه ملڻ تي پي ٽي آءِ ميمبرن احتجاج ڪندي پيڪا ايڪٽ نامنظور جا نعرا هنيا، سيٽن تي بيهي احتجاج ڪيو ويو، ايجنڊا جون ڪاپيون ڦاڙي اسپيڪر ڊائس ڏانهن اڇلائي ڇڏيون، سخت احتجاج دوران اجلاس 18 منٽ هلي سگھيو، 9 منٽن ۾4 بل اڪثريت راءِ سان منظور ڪيا ويا، اسپيڪر پارليامينٽ جو گڏيل اجلاس 12 فيبروري تائين ملتوي ڪري ڇڏيو.