ٻين صوبن جي ڀيٽ ۾ سنڌ اسيمبلي ۾ بجيٽ تي وڌيڪ بحث ٿيو آهي: سنڌ اسيمبلي اجلاس کي خطاب
ڪراچي (ويب ڊيسڪ) سنڌ جي وڏي وزير سيد مراد علي شاهه چيو آهي ته جمهوريت رڳو سنڌ ۾ ئي آهي.
ٻين صوبن جي ڀيٽ ۾ سنڌ اسيمبلي ۾ بجيٽ تي وڌيڪ بحث ٿيو آهي، 13جون تي ڪو احتجاج نه پر بدتميزي ڪئي وئي هئي.
وڏي وزير سيد مراد علي شاهه جو سنڌ اسيمبلي ۾ خطاب ڪندي چيو ته اسان وٽ اڪثريت آهي پر ان باوجود سمورن ميمبرن کي ڳالهائڻ جو حق ڏنو آهي.
سندس چوڻ هو ته ڀارت سنڌ طاس معاهدي جي ڀڃڪڙي ڪئي آهي، ملڪ تي جڏهن به ڏکيو وقت آيو، پيپلزپارٽي ملڪ جو دفاع ڪيو.
هن چيو ته جيڪڏهن سنڌ طاس معاهدو ختم ڪيو ويو ته 6 ئي درياهه واپس ورتا ويندا، چيئرمين بلاول ڀٽو زرداري واضح ڪيو آهي ته جنگ وڙهي ڪري پنهنجو پاڻي ورتو ويندو.
سنڌ جي وڏي وزير سيد مراد علي شاهه جو وڌيڪ چوڻ هو ته بلاول ڀٽو زرداري شهيد ڀٽو جيان مسلمان ملڪن جو ڪيس وڙهي رهيو آهي.
