ايران پنهنجو تاثر بهتر ڪرڻ لاءِ ڪيترين ئي ڳالهين جي آڙ وٺي رهيو آهي: پيٽ هيگسيٿ
واشنگٽن (انٽرنيشنل ڊيسڪ) آمريڪا جي بچاءَ واري وزير پيٽ هيگسيٿ چيو آهي ته ايران خلاف تاريخي ڪاميابي حاصل ڪئي.
ايران پنهنجو تاثر بهتر ڪرڻ لاءِ ڪيترين ئي ڳالهين جي آڙ وٺي رهيو آهي، صدر ٽرمپ اڃا به ڳالهين ۽ معاهدي جا امڪان ڏسي رهيو آهي.
ايران تي حملي بابت آمريڪي ميڊيا تي تنقيد ڪندي آمريڪا جي بچاءَ واري وزير پيٽ هيگسيٿ چيو ته آمريڪي فوج وڏي مهارت سان پنهنجو مشن مڪمل ڪيو ۽ ايران جي جوهري صلاحيت کي تباهه ڪيو.
ڪجهه آمريڪي چينل هٿ ٺوڪيون رپورٽون هلائي رهيا آهن، تنقيد ڪندڙ نٿا چاهين ته صدر ٽرمپ ڪامياب ٿئي.
هن چيو ته ميڊيا ماڻهن جو ذهن خراب ڪري رهي آهي، آمريڪا هڪ تاريخي ڪاميابي حاصل ڪئي آهي.
