مدرسن جو تعليمي معاملو، ان کي سياسي ميدان ۾ نه اڇليو وڃي: علامه راغب نعيمي

اسلام آباد (ويب ڊيسڪ) اسلامي نظرياتي ڪائونسل جي سربراهه علامه راغب نعيميءَ چيو آهي ته مدرسن جو تعليمي معاملو آهي، ان کي سياسي ميدان ۾ نه اڇليو وڃي. اسلام آباد ۾ مدرسن جي رجسٽريشن ۽ سڌارن بابت اجلاس کي خطاب ڪندي علامه راغب نعيمي چيو ته مدرسن جي نظام کي ڪنهن پرڏيهي ايجنڊا کان خطرو نه آهي، مدرسن کي تعليم جي وزارت سان سلهاڙيل هجڻ گھرجي، مدرسن جو معاملو تعليمي معاملو آهي ان ڪري ان کي سياسي اکاڙو نه بڻايو وڃي. اجلاس کي خطاب ڪندي علامه طاهر اشرفيءَ چيوته 2019ع ۾ مدرسن جا نوان بورڊز بڻائڻ جو فيصلو ڪيو ويو، اڄ اهي سمورا بورڊز ڀرپور طريقي سان ڪم ڪري رهيا اهن، اسان مدرسن تي ڪيئن ٺاهه ٿا ڪري سگھون؟ اسان تي بي سبب خوف مڙهيو ويندو آهي ته پرڏيهي ايجنڊا ايندي ۽ هينئن ٿي ويندو. ان موقعي تي ڊي جي مذهبي تعليم غلام قمر جو چوڻ هو ته ڪابينا جي فيصلي کان پوءِ مدرسن بابت معاهدو طئي ٿيو آهي ته سمورا مدرسا دائڪريٽريٽ ريليجيس ايجوڪيشن سان سلهاڙيل هوندا، اسان کي مدرسن کي قومي ڌارا ۾ آڻڻ ۽ تعليمي مظام کي هٿي وٺرائڻي آهي.