لاهور هاءِ ڪورٽ جي جج کي عهدي تان هٽائڻ لاءِ سپريم جڊيشل ڪائونسل ۾ ريفرنس داخل

لاهور (نيشنل ڊيسڪ) لاهور هاءِ ڪورٽ جي جج جسٽس شمس محمود مرزا کي عهدي تان هٽائڻ لاءِ سپريم جڊيشل ڪائونسل ۾ ريفرنس داخل ڪيو ويو. لاهور هاءِ ڪورٽ جي جج جسٽس شمس محمود مرزا  کي عهدي تان هٽائڻ لاءِ اسسٽنٽ اٽارني جنرل شيراز ذڪا پاران سپريم جڊيشل ڪائونسل ۾ ريفرنس داخل ڪيو ويو. ريفرنس ۾ چيو ويو آهي ته خانگي ڪمپني پاران پيٽروليم واري وزارت خلاف ڪيس 7 سالن کان جسٽس شمس محمود مرزا  جي عدالت ۾ هلندڙ آهي، ريفرنس ۾ وڌيڪ چيو ويو آهي ته جسٽس شمس محمود مرزا پاران  هر ٻڌڻي تي پيٽروليم واري وزارت خلاف درخواست ڏيندڙ جي ڪمپني کي ڏنل اسٽي آرڊر ۾ واڌ ڪندو آهي، ڄاڻايل ڪيس ڏيڍ سال ۾ 3 ڀيرا ٻڌڻي لاءِ لڳو. ريفرنس ۾ چيو ويو آهي ته جسٽس شمس محمود مرزا 7 سالن کان درخواست گذار کي نوازي رهيو آهي، سندس اسٽي آرڊر سبب ايف آءِ اي ۾ هلندڙ انڪوائري رڪجي وئي آهي، ريفرنس ۾ وڌيڪ چيو ويو ته جسٽس شمس محمود مرزا  کي عهدي تان هٽائڻ لاءِ  سندس خلاف آرٽيڪل 209 تحت ڪارروائي ڪئي وڃي.