خواجا آصف پاران ايران خلاف اسرائيلي اڳرائي جي مذمت ۽ غزه ۾ پرتشدد ڪاررواين ۽ انساني بحران تي ڳڻتي ظاهر
اسلام آباد (نيشنل ڊيسڪ) بچاءَ واري وفاقي وزير خواجه آصف چيو آهي ته عالمي برادري ڪشمير ۽ فلسطين مسئلي جو پرامن حل يقيني بڻائي.
بچاءَ واري وفاقي وزير خواجا آصف ايس سي او ۾ خطاب ڪيو، خواجا آصف ايران خلاف اسرائيلي جارحيت جي مذمت ۽ غزه ۾ پرتشدد ڪاررواين ۽ انساني بحران تي ڳڻتي جو اظهار ڪيو.
خواجا آصف جو چوڻ هو ته غزه ۾ فوري طور تي مستقل جنگبندي لاڳو ڪئي وڃي، عالمي برادري ڪشمير ۽ فلسطين جهڙن ڊگهي عرصي کان حل طلب تڪرارن جو پرامن حل يقيني بڻائي.
