سنڌ جي مختلف شهرن ۾ ٻن نوجوانن آپگھات ڪري ڇڏيو

ڪراچي (ويب ڊيسڪ) سنڌ جي مختلف شهرن ۾ ٻن نوجوانن آپگھات ڪري ڇڏيو، ٺٽي ۾ نوجوان مبينا طور پاڻ تي پسٽل جو فائر ڪري آپگھات ڪري ڇڏيو، پوليس موجب سيف الله خشڪ پاڻ مٿان فائر ڪري زندگي جو انت آندو، نوجوان جي آپگھات ڪرڻ جو ڪارڻ معلوم نه ٿي سگهيو، وڌيڪ جاچ ڪئي پئي وڃي. ٻئي طرف ڊگھڙي ۾ نوجوان وڻ ۾ مبينا طور رسو ٻڌي ڦاھو کائي آپگهات ڪري ڇڏيو، پورهيت نوجوان آسن پُٽ چيتن ڪولهي مبينا طور حياتي جو ڏيئو اُجھائي ڇڏيو، ڳوٺاڻن جي اطلاع تي پوليس پهچي لاش کڻائي اسپتال منتقل ڪيو، ڪارڻ معلوم نه ٿيو، گهرڀاتين ۾ روڄ راڙو.