پي ٽي آءِ اڳواڻ ڊي چوڪ تان ڀڄي نڪتا، سياسي پارٽي نه پر وڳوڙين جو ٽولو آهي: عطا تارڙ

اسلام آباد (ويب ڊيسڪ) سڌ سماءَ بابت وفاقي وزير عطا تارڙ چيو آهي ته پي ٽي آءِ پاران پاڪستاني شين جي بائڪاٽ جو اعلان افسوس جوڳو آهي، ڪي پي حڪومت جي وزيرن جي سول نافرماني ڪال جي مخالفت خوشي جي ڳالهه آهي، اسلام آباد ۾ پريس ڪانفرنس ڪندي عطا تارڙ چيو ته غير ملڪين کي فائدو پهچائڻ لاءِ فوج کي ڪمزور ڪرڻ جي سازش ڪئي پئي وڃي، پي ٽي آءِ اڳواڻ ڊي چوڪ تان ڀڄي ويا هئا، پي ٽي آءِ سياسي پارٽي نه پر وڳوڙين جو ٽولو آهي،  صحافين کي هراسان ڪرڻ واري مهم هلائي پئي وڃي، صحافين ۽ سندن گهرڀاتين کي نشانو بڻائڻ مذمت جوڳو عمل آهي، صحافين کي نشانو بنائيندڙن کي نه ڇڏيو ويندو.