پاڪستان جو آئين سمورن شهرين کي بنيادي حقن جي ضمانت ڏئي ٿو: صدر /وزيراعظم

اسلام آباد (ويب ڊيسڪ) صدر آصف علي زرداري انساني حقن جي عالمي ڏهاڙي تي پيغام جاري ڪندي چيو آهي ته پاڪستان جو آئين سمورن شهرين کي بنيادي حقن جي ضمانت ڏئي ٿو، انساني حقن کي هٿي ڏئي پنهنجن ماڻهن کي بااختيار بڻائڻ لاءِ پرعزم آهيون، معاشري جي سمورن طبقن جي حقن جي تحفظ جي اهميت جو مڪمل ادراڪ آهي، جمهوريت، امن، آزادي ۽ انساني حقن جو هڪ ٻئي سان گهرو تعلق آهي. وزيراعظم شهباز شريف جو چوڻ آهي ته هي ڏهاڙو دنيا کي انساني حقن ۽ قدرن جي تحفظ جي پاسداري جي ياد ڏياري ٿو، حڪومت انساني حقن جي تحفظ جي قانون سازي لاءِ ڪيترائي قدم کنيا آهن.