چيمپيئنز ٽرافي: آءِ سي سي اجلاس ۾ پاڪستان موقف تي قائم، اجلاس سڀاڻي تائين ملتوي

دبئي (ويب ڊيسڪ) چيمپئنز ٽرافي جي هنڌ مقرر ڪرڻ لاءِ اڄ ٿيندڙ آءِ سي سي بورڊ ميٽنگ ۾ ڪو فيصلو نه ٿي سگھيو، ذريعن موجب اڄ ٿيندڙ اجلاس ۾ آءِ سي سي بورڊ ميٽنگ مختصر وقت تائين جاري رهي ۽ اجلاس سڀاڻي لاءِ ملتوي ڪيو ويو. ذريعن موجب اڄوڪي ٿيندڙ اجلاس ۾ ڌرين طرفان تجويزون پيش ڪيون ويون ۽ سڀاڻي تفصيلي اجلاس ۾ تجويزن تي ڳالهه ٻول ٿيندي. ذريعن موجب هائبرڊ ماڊل معاملي تي پاڪستان ڪرڪيٽ بورڊ پنهنجي موقف تي قائم رهيو، پاڪستان پنهنجي موقف بابت بريفنگ ڏني ۽ ان ۾ ڪا لچڪ نه ڏيکاري. ذريعن موجب چيمپئينز ٽرافيءَ بابت قابل قبول فارمولا سڀاڻي تائين سامهون اچڻ جو امڪان آهي.