حڪومت پاران خيبرپختونخوا ۾ گورنر راڄ لڳائڻ جي تجويز تي غور

اسلام آباد (ويب ڊيسڪ) خيبرپختونخوا ۾ گورنر راڄ لڳائڻ جي تجويز پيش، وفاقي ڪابينا جي اڪثريت خيبرپختونخوا ۾ گورنر راڄ لڳائڻ جي حمايت ڪري ڇڏي، حڪومت جو گورنر راڄ کان اڳ پاڪستان پيپلزپارٽي، قومي وطن پارٽي ۽ عوامي نيشنل پارٽي سان صلاح مشوري جو فيصلو، قانون واري وزارت ۽ اٽارني جنرل به پنهنجي راءِ کان ڪابينا کي آگاهه ڪري ڇڏيو، حڪومتي ذريعن جو چوڻ آهي ته خيبرپختونخوا حڪومت ٻه ڀيرا وفاق تي چڙهائي ڪري گورنر راڄ لڳائڻ جو جواز پيدا ڪري ڇڏيو آهي، احتجاج ۾ سرڪاري ملازمن ۽ مشينري کي به استعمال ڪيو ويو، سياسي اتحادين ۽ ٻين اسٽيڪ هولڊرز کي اعتماد ۾ وٺي گورنر راڄ لڳائڻ جي حوالي سان حتمي فيصلو ڪيو ويندو.