فوجي عدالتن ۾ سويلينز جو ٽرائل روڪڻ بابت درخواست خارج

اسلام آباد (ويب ڊيسڪ) فوجي عدالتن ۾ سويلينز جو ٽرائل روڪڻ بابت درخواست خارج، سپريم ڪورٽ 26هين آئيني ترميم جي درخواستن جي فيصلي تائين ڪيس جي ٻڌڻي ملتوي ڪرڻ جي درخواست خارج ڪري ڇڏي، عدالت جواد ايس خواجا تي 20 ھزار رپيا ڏنڊ هڻي ڇڏيو، ڪيس جي ٻڌڻي 7 رڪني آئيني بينچ ڪئي، آئيني ترميم جي درخواستن جو فيصلو ٿيڻ تائين فوجي عدالتن جو ڪيس نه ٻڌو وڃي، وڪيل جواد ايس خواجا جي استدعا، جسٽس محمد علي مظهر جواد ايس خواجا کي مخاطب ٿيندي چيو ته هر ٻڌڻي تي اوهان جي درخواستگذار جي ڪا درخواست اچي ٿي، ڪيترا ماڻهو جيل ۾ آهن، توهان جي ڪري فيصلي ۾ دير ٿي رهي آهي، جسٽس جمال مندوخيل چيو ته اوهان جو پيارو حراست ۾ ناهي، ان ڪري دير چاهيو ٿا، جيڪڏهن عدالت جي اختيارن جو دائرو نٿا مڃو ته هِتان هليا وڃو، سپريم ڪورٽ آئيني ترميم تحت ئي ڪم ڪري رهي آهي، آئيني ترميم جو ڪيس به ترميم تحت قائم ٿيندڙ بينچ ئي ٻڌندي.