سنڌ هاءِ ڪورٽ جي مرڪزي عمارت ۾ ڪوٺايل حلف برداري تقريب ۾ وڏي وزير سيد مراد علي شاهه، صوبائي وزيرن، آءِ جي سنڌ، چيف سيڪريٽري، ججن ۽ وڪيلن وڏي انگ ۾ شرڪت ڪئي .
تقريب ۾ سنڌ هاءِ ڪورٽ بار جو صدر ريحان عزيز ملڪ، جنرل سيڪريٽري سرفراز مٽلاڻي پڻ موجود هئا .
حلف برداري تقريب ۾ ڪراچي بار جو صدر عامر نواز وڙائچ، جنرل سيڪريٽري اختر چنا به موجود هئا.
تقريب ۾ سنڌ بار، سنڌ هاءِ ڪورٽ بار، ڪراچي بار جي وڪيلن وڏي انگ ۾ شرڪت ڪئي.
حلف کڻڻ کانپوءِ سنڌ هاءِ ڪورٽ جو چيف جسٽس مزار قائد تي حاضري ڀري فاتحه خواني ڪئي .
سنڌ هاءِ ڪورٽ جي چيف جسٽس محمد شفيع صديقي 12 آگسٽ 1965 ڌاري ڪراچي ۾ جنم ورتو .
چيف جسٽس محمد شفيع صديقي1993 ۾ وڪيل ٿي باقاعدي شروعات ڪئي . چيف جسٽس محمد شفيع 2008 ۾ سپريم ڪورٽ جو وڪيل بڻيو ، جڏهن ته هو 20 مارچ 2012 ۾ سنڌ هاءِ ڪورٽ جي ايڊيشنل جج طور مقرر ٿيو
