پاڪستان ۾ 2 ارب ڊالرز جي سيڙپڪاري جو جائزو وٺي رهيا آهيون، پاڪ ڀارت ڇڪتاڻ پريشان ڪندڙ هئي
باڪو (انٽرنيشنل ڊيسڪ) آذر بائيجان جي صدر طرفان پاڪستان ۾ 2 ارب ڊالرز جي سيڙپڪاري جو اعلان.
پاڪستان ۾ 2 ارب ڊالرز جي سيڙپڪاري جو جائزو وٺي رهيا آهيون، پاڪ ڀارت ڇڪتاڻ پريشان ڪندڙ هئي.
2020ع جي جنگ ۾ ترڪيه ۽ پاڪستان اسان جي مدد ڪئي، پاڪستان ۽ ترڪيه سان دفاع سميت مختلف شعبن ۾ ڀائيواري وڌايون پيا.
ٽنهي ملڪن وچ ۾ دفاعي شعبي ۾ سهڪار جا وڏا امڪان آهن، آذر بائيجان جي صدر الهام عليوف جو لاچين ۾ ٽه ملڪي اجلاس کي خطاب.
ترڪ صدر رجب طيب اردگان چيو ته ٽنهي ملڪن جا لاڳاپا گڏيل احترام ۽ اعتماد تي ٻڌل آهن.
ٽنهي ملڪن ۾ اسٽريٽجڪ ڀائيواري مضبوط بڻائڻ جا خواهشمند آهن، پاڪستان ۽ ڀارت ۾ جنگبندي تي اطمينان آهي.
هن چيو ته گڏيل هدف حاصل ڪرڻ لاءِ گڏجي ڪم ڪرڻو پوندو، خطي جو امن تباهه ڪندڙن خلاف بيٺل رهنداسين.
