امن جا خواهشمند آهيون ۽ هميشه امن جي ڳالهه ڪئي آهي، مسئلا ڳالهين جي ميز تي ويهي حل ڪرڻ چاهيون ٿا: ڪانفرنس کي خطاب
لاچين (انٽرنيشنل ڊيسڪ) وزيراعظم شهباز شريف چيو آهي ته ڀارت پاڪستان جو پاڻي روڪڻ چاهي ٿو پر اهو ڪڏهن به نه ٿي سگهندو.
وزيراعظم شهباز شريف آذربائيجان جي شهر لاچين ۾ ٽه ملڪي اجلاس کي خطاب ڪندي چيو ته پاڻي 24 ڪروڙ ماڻهن جي لائف لائن آهي.
هن چيو ته امن جا خواهشمند آهيون ۽ هميشه امن جي ڳالهه ڪئي آهي، مسئلا ڳالهين جي ميز تي ويهي حل ڪرڻ چاهيون ٿا.
وزيراعظم چيو ته ڪشمير تڪرار جو حل ٺهرائن ۽ اتان جي عوام جي خواهشن پٽاندڙ ٿيڻ گهرجي، پهلگام واقعي تي ڀارت کي سهڪار جي آڇ ڪئي.
ڀارت بنا شاهدين جي پاڪستان تي الزام لڳايو، پهلگام واقعي جو بهانو بڻائي ڀارت اڳرائي جو رستو اختيار ڪيو.
ڇڪتاڻ دوران فيلڊ مارشل پيشوراڻي انداز ۾ قائداڻو ڪردار ادا ڪيو، چوي ٿو پاڪستان خوش قسمت آهي ته ترڪيه ۽ آذربائيجان جهڙا دوست آهن.
ٽئي ملڪ مذهب، قدرن، ثقافت ۽ تاريخ ذريعي ڳنڍيل آهن، ٽئي ملڪ بنياد مسئلن تي هڪٻئي جي حمايت ڪندا آهن.
