ڪراچي (ويب ڊيسڪ) ڪراچيءَ جي روشنين واري شهر ۾ ٿيندڙ 12 مئي سانحي کي 18 سال گذري ويا پر ان واقعي جا ذميوار اڄ به قانون جي ڪوڙڪيءَ کان آزاد آهن.
ٻارنهن مئي سانحي جي ٻڌڻيءَ هيٺ 7 ڪيسن مان هڪ ڪيس جو فيصلو ٿيو جنهن ۾ جوابدارن کي بَري ڪيو ويو، جڏهن ته 6 ڪيس دهشتگرديءَ جي انت واري عدالتن ۾ هلندڙ آهن.
ٻارنهن مئي 2007ع تي ڪراچيءَ ۾ قتل ڪيل 50 کان وڌيڪ شهرين جا ڪٽنب اڄ به انصاف جا منتظر آهن.
ياد رهي ته 12 مئي 2007ع تي فائرنگ جا واقعا ان وقت جي چيف جسٽس افتخار چوڌري جي ڪراچي آمد تي پيش آيا هئا.
ڪراچيءَ جي هر روڊ، هر چوڪ ۽ گھٽيءَ مان جديد هٿيارن سان ليس هٿياربند نڪري آيا هئا جن 12 ڪلاڪن تائين ڪراچيءَ جي روڊن تي رتوڇاڻ جاري رکي.
