مولانا عبدالباسط صديقي شاهه جهان مسجد جو نائون شاهي خطيب هو
ٺٽو (ويب ڊيسڪ) ٺٽي جي تاريخي شاهه جهان مسجد جو پيش امام مولانا عبدالباسط صديقي لاڏاڻو ڪري ويو.
مفتي مولانا شاڪر والد جي لاڏاڻي جي تصديق ڪندي ٻڌايو ته سندس والد مولانا عبدالباسط صديقي شاهه جهان مسجد جو نائون شاهي خطيب هو.
مفتي مولانا شاڪر ٻڌايو ته مرحوم مولانا عبدالباسط صديقيءَ جي جنازي نماز اڄ ٻن پهرن جي نماز کان پوءِ شاهه جهان مسجد ٺٽو ۾ ادا ڪئي ويندي.
مولانا عبدالباسط صديقيءَ کي گذريل رات دل جو دورو پوڻ تي سول اسپتال مڪلي نيو ويو هو جتي هو لاڏاڻو ڪري ويو.
