پنهنجي دفاع لاءِ هر حد تائين وينداسين، ڀارت ڪا اڳرائي ڪئي ته ڀرپور جواب ڏبو: عطا تارڙ
اسلام آباد (نيشنل ڊيسڪ) پاڪستان پهلگام واقعي جي اڻڌري ۽ شفاف جاچ جو مطالبو ڪري ڇڏيو.
سڌ سماءَ واري وفاقي وزير عطا تارڙ چيو آهي ته پنهنجي خودمختياري جي دفاع لاءِ هر حد تائين وينداسين، جيڪڏهن ڀارت ڪا اڳرائي ڪئي ته ان جو ڀرپور جواب ڏينداسين.
سڌ سماءَ واري وفاقي وزير عطا تارڙ جون عالمي ۽ مقامي ميڊيا نمائندن سان گڏ ايل او سي جي دوري ميڊيا سان ڳالهائيندي چيو ته اڄ اسان عالمي ميڊيا آڏو سموريون حقيقتون رکي ڇڏيون آهن.
ڀارت پنهنجون ناڪاميون لڪائڻ لاءِ بي بنياد الزام هنيا آهن، والاريل ڪشمير ۾ 9 لک ڀارتي فوجي مقرر آهن.
سڌ سماءَ واري وفاقي وزيرعطا تارڙ جو وڌيڪ چوڻ هو ته ڇا 9 لک فوج جي موجودگي ۾ پهلگام واقعو ٿيڻ سيڪيورٽي ناڪامي ناهي.
