جيڪڏھن وفاق سان وڙھي سگهون ٿا ته پوءِ ڪنهن سان به وڙھي سگهون ٿا: ڪراچي بار جو صدر
سکر (ويب ڊيسڪ) ڌرڻو هڻندڙ وڪيلن جو چوڻ آهي ته ڪئنالن واري معاملي تي وزيراعظم جو اعلان ناڪافي قرار، ڪئنال رٿا جي خاتمي جو نوٽيفڪيشن جاري ٿيڻ تائين ڌرڻو جاري رهندو.
ڪراچي بار جي صدر عامر نواز وڙائچ چيو آهي ته جيڪڏھن وفاق سان وڙھي سگهون ٿا ته پوءِ ڪنهن سان به وڙھي سگهون ٿا.
سنڌوءَ جي پاڻي تي سوديبازي ٿيڻ نه ڏينداسين، نوٽيفڪيشن جاري ٿيڻ تائين ڌرڻو ختم نه ڪنداسين.
ڪراچي بار جي صدر جو وڌيڪ چوڻ هو ته وزيراعظم جيڪا ڳالهه زبان سان چوي ٿو، اها لکي ڏئي، لکي ڏيڻ ۾ ڪو حرج ناهي.
