واشنگٽن (انٽرنيشنل ڊيسڪ) داعش دهشتگرد شريف الله جي گرفتاري جو ڪريڊٽ پاڪستان کي وڃي ٿو، پاڪستان حڪومت جا ٿورا مڃون ٿا.
آمريڪي پرڏيهي ترجمان ٽيمي بروس چيو آهي ته پاڪ افغان سرحد تان داعش دهشتگرد جي گرفتاري ظاهر ڪري ٿي ته دهشتگردي جي خاتمي لاءِ پاڪستان ۽ آمريڪا جو سهڪار انتهائي اهم آهي.
شريف الله ڪيس بابت ڄاڻ آمريڪي انصاف واري کاتي کي فراهم ڪري ڇڏي آهي.
دهشتگردي خلاف پاڪستان ۽ آمريڪا جا گڏيل مفاد آهن، دهشتگردي خلاف آمريڪا ۽ پاڪستان جو گڏيل سهڪار اهميت جوڳو آهي.
