اسلام آباد (نيشنل ڊيسڪ) رمضان پيڪيج مان 40 لک خاندان ۽ 2 ڪروڙ ماڻهو پيڪيج مان فائدو حاصل ڪندا، مستحق خاندانن کي ڊجيٽل والٽ ذريعي پنج هزار رپيا ڏنا ويندا.
هن ڀيري رمضان پيڪيج ۾ شفافيت کي يقيني بڻايو ويندو. وزيراعظم شهباز شريف رمضان پيڪيج 2025 جو افتتاح ڪري ڇڏيو.
سندس چوڻ آهي ته هن ڀيري رمضان پيڪيج کي سولو بڻايو ويو آهي، قطارن ۾ بيهڻو نه پوندو.
وزيراعظم جو چوڻ هو ته گذريل رمضان جي ڀيٽ ۾ هن ڀيري مهانگائي جي شرح ۾ گهٽتائي آئي آهي.معاشي بهتري لاءِ اثرائتا قدم کنيا پيا وڃن.
وزيراعظم شهباز شريف چيو ته گذريل ڏينهن نوشهرا ۾ دهشتگردي جي افسوسناڪ واقعو پيش آيو، تازو ٿيل دهشتگردي جي واقعن جي سببن کان سڀ واقف آهن.
ملڪ مان دهشتگردي جي ناسور کي پاڙ کان ختم ڪنداسين، جنهن لاءِ سڀني کي ڪردار ادا ڪرڻو پوندو، ڪي پي حڪومت جوابدارن کي انصاف جي ڪٽهڙي ۾ آڻي.
