اسلام آباد (نيشنل ڊيسڪ) صدر آصف علي زرداري، وزيراعظم شهباز شريف، گهرو وزير محسن نقوي طرفان مدرسه حقانيه اندر ڌماڪي جي مذمت، جاني نقصان تي ڏک ۽ افسوس جو اظهار.
صدر آصف علي زرداري چيو ته بي گناهه ماڻهن کي نشانو بڻائڻ ڪريل عمل آهي، دهشتگرد ملڪ، قوم ۽ انسانيت جا دشمن آهن.
وزيراعظم شهباز شريف زخمين کي هر ممڪن طبي امداد فراهم ڪرڻ جي هدايت ڪندي چيو آهي ته هر قسم جي دهشتگردي جي مڪمل خاتمي لاءِ پرعزم آهن.
گهرو وزير محسن نقوي جو چوڻ آهي ته دشمن ملڪ ۾ عدم استحڪام پيدا ڪرڻ جي ڪوشش ڪري رهيا آهن، قوم جي حمايت سان دشمن جي هر سازش کي ناڪام بڻائي ويندي.
