بلاول ڀٽو زرداري جو اڪائونٽ بلاڪ ڪرڻ مان ثابت ٿيو ته مودي پ پ چيئرمين کان ڊنل آهي: بلاول هائوس
ممبئي (انٽرنيشنل نيوز) مودي سرڪار ڀارت ۾ پ پ چيئرمين بلاول ڀٽو زرداري جي ايڪس اڪائونٽ تي پابندي مڙهي ڇڏي.
بلاول هائوس جي ترجمان پنهنجي ردعمل ۾ چيو آهي ته بلاول ڀٽو زرداري جو اڪائونٽ بلاڪ ڪرڻ مان ثابت ٿيو ته مودي پ پ چيئرمين کان ڊنل آهي.
ثابت ٿيو ته ڀارت غير جمهوري ملڪ ۽ اُن جو وزيراعظم انتهائي بزدل ماڻهو آهي،پهلگام واقعي تي بلاول ڀٽو زرداري جي بيان مودي جو هاضمو خراب ڪري ڇڏيو.
بلاول هائوس جي ترجمان جو وڌيڪ چوڻ هو ته پ پ چيئرمين گجرات جي ڪاسائي کي دنيا آڏو وائکو ڪري ڇڏيو.
