صدر ڏکئي وقت ۾ پاڪستان کپي جو نعرو هنيو، ڪالا باغ ڊيم خلاف سڀ کان پهريون آواز پنجاب مان اٿيو هو: پريس ڪانفرسن
ڪراچي (ويب ڊيسڪ) سنڌ جي سينيئر صوبائي وزير شرجيل انعام ميمڻ چيو آهي ته ڪنهن به صورت ۾ تڪراري ڪئنال ٺهڻ نه ڏينداسين.
ڪراچيءَ ۾ پريس ڪانفرنس ڪندي شرجيل ميمڻ چيو ته صدر آصف علي زرداري جي طبيعت ۾ سڌارو آيو آهي، سنڌ جي حقن لاءِ جيترو ڪجهه آصف زرداري ڪيو ، اهو ڪنهن به ناهي ڪئي.
هن چيو ته بلاول ڀٽو زرداري ورسي جي موقعي تي تاريخي خطاب ڪيو، بلاول ڀٽو زرداري ملڪ ۽ قوم جي خوشحالي جي ڳالهه ڪئي.
شرجيل ميمڻ چيو ته بلاول ڀٽو زرداري افراتفريح پکيڙيندڙن کي به واضح پيغام ڏنو، اين ايف سي ايوارڊ به آصف علي زرداري جي دور ۾ ڏنو ويو.
صوبائي وزير چيو ته صدر آصف علي زرداري ڏکئي وقت ۾ پاڪستان کپي جو نعرو هنيو، ڪالا باغ ڊيم خلاف سڀ کان پهريون آواز پنجاب مان اٿيو هو.
سندس چوڻ هو ته چيئرمين بلاول ڀٽو زرداري ڪئنالن جي معاملي تي واضح بيان ڏنو، پيپلزپارٽي واضح ڪري ڇڏيو ته ڪينال ڪنهن به صورت ۾ نه ٺهندا.
شرجيل ميمڻ چيو ته پيپلزپارٽي هر فورم تي ڪئنالن جي مخالفت ڪئي آهي، پنجاب حڪومت واضح ناهي ڪيو ته ڪئنالن لاءِ پاڻي ڪٿان ايندو.
حيدرآباد ۾ 18 اپريل تي سڀ کان وڏو جلسو ٿيندو، جلسو ڪينال، دهشتگردي ۽ مئسلن جي حوالي سان هوندو، فنڪشنل ليگ مشرف جي چوڻ تي ڪالا باغ ڊيم جي حق ۾ ريليون ڪڍيون هيون.
سينيئر صوبائي وزير چيو ته ف ليگ هميشه بي ٽيم بڻجي ڪالا باغ ڊيم جي حمايت ڪئي، پنجاب جي اطلاعات واري وزير عظميٰ بخاري جو بيان افسوسناڪ آهي.
عظميٰ بخاري چاهي ٿي ته پيپلزپارٽي وفاق سان ٽڪراءَ ۾ اچي، عظميٰ بخاري صاحبه ڇا اوهان آئين پڙهيو آهي؟ عظميٰ بخاري ڄاڻي واڻي پلانٽيڊ سوال جو جواب ڏنو.
شرجيل ميمڻ چيو ته ڪئنالن جي منظوري ڏيڻ جو مينڊيٽ صدر آصف علي زرداري جو ناهي، صدر آصف علي زرداري ملڪ جو سڀ کان قابل سياستدان آهي.
هن چيو ته وڏي صوبي جي ترجمان کي ڳالهائڻ کان اڳ آئين پڙهڻ گهرجي، پيپلزپارٽي ڪئنالن واري معاملي تي سياست نه پئي ڪري.
پيپلزپارٽي عوامي حقن جي تحفظ لاءِ احتجاج ڪري رهي آهي، ڪي پي حڪومت پاڻ چيو ته طالبان جون آفيسون کوليون وڃن، پاڪستان آهي ته اسان سڀ آهيون.
شرجيل انعام ميمڻ چيو ته پرڏيهي هٿ پاڪستان کي نقصان پهچائڻ جي ڪوشش ڪن پيا، اسان ڪنهن به صورت ۾ پاڪستان کي نقصان پهچڻ نه ڏينداسين.
