حيدرآباد (ويب ڊيسڪ) حيدرآباد ۾ ايس ايس پي کي هٽائڻ لاءِ وڪيلن جو احتجاج، عدالتي ڪارروائين جو بائڪاٽ.
وڪيلن عدالتن جا دروازا بند ڪري ڇڏيا، پوليس جي داخلا تي پابندي لاڳو ڪئي وئي.
وڪيل گيٽ تي بيهي هر ايندڙ ويندڙ ماڻهن کي سڃاڻپ ڪرڻ کان پوءِ اندر ڇڏڻ لڳا.
وڪيل اڳواڻن جو چوڻ آهي ته ايس ايس پي حيدرآباد کي هٽائڻ تائين عدالتي احاطي ۾ پوليس جي داخلا تي پابندي آهي.
وڪيل اڳواڻ موجب ايس ايس پي کي جلد هٽايو نه ويو ته نئين حڪمت عملي جو اعلان ڪيو ويندو.
سٽي ڪورٽ ڪراچي ۽ ملير جي وڪيلن پاران به حيدرآباد جي وڪيلن جي حمايت ۾ عدالتي ڪارروائين جو بائڪاٽ ڪيو پيو وڃي.
