پ پ اميدوار صبا ٽالپر ۽ گڏيل مخالف ڌر جي اميدوار لال چند مالهي ۾ سخت مقابلو
عمرڪوٽ (ويب ڊيسڪ) عمرڪوٽ جي قومي تڪ اين اي 213 تي ننڍي چونڊ لاءِ پولنگ شروع.
پيپلز پارٽي جي اميدوار صبا ٽالپر ۽ گڏيل اپوزيشن جي اميدوار لال چند مالهي وچ ۾ سخت مقابلي جا امڪان، مجموعي طور 18 اميدوار ميدان تي لٿل.
وڏي انگ ۾ ووٽر پنهنجي ووٽ جو حق ادا ڪرڻ لاءِ پولنگ اسٽيشنز تي پهچي ويا، پولنگ جو عمل شام 5 وڳي تائين جاري رهندو.
تڪ ۾ ڪُل 498 پولنگ اسٽيشنز مان 269 حساس ۽ 91 انتهائي حساس قرار ڏنيون ويون، سڪيورٽي جا انتظام سخت.
عمرڪوٽ جي اين اي 213 جِي سيٽ پيپلز پارٽي جي اڳواڻ نواب يوسف ٽالپر جي لاڏاڻي کان پوءِ خالي ٿي هئي.
