جسٽس منصور علي شاهه ۽ جسٽس منيب اختر پاران جڊيشل ڪميشن اجلاس جو بائيڪاٽ

اسلام آباد (نيشنل ڊيسڪ) سپريم ڪورٽ ۾ 8 نون ججز جي مقرريءَ جي لاءِ چيف جسٽس آف پاڪستان جسٽس يحيٰ آفريديءَ جي صدارت هيٺ جڊيشل ڪميشن جو اجلاس جاري آهي. ڊان نيوز موجب جسٽس منصور علي شاهه ۽ جسٽس منيب اختر جڊيشل ڪميشن اجلاس جو بائيڪاٽ ڪري ڇڏيو آهي، ٻئي ججز جڊيشل ڪميشن جي اجلاس ۾ شريڪ ناهن ٿيا. ياد رهي ته جڊيشل ڪميشن جي اجلاس کان ڪجھه ڏينهن اڳ سپريم ڪورٽ جي ججز جن ۾ جڊيشل ڪميشن جا 2 ميمبر جسٽس منصور علي شاهه ۽ جسٽس منيب اختر به شامل آهن، اجلاس ملتوي ڪرڻ جي لاءِ چيف جسٽس آف پاڪستان کي خط لکيو هو، جڏهن ته ڪيشن ۾ شامل پي ٽي آءِ جي ميمبر علي ظفر بها جلاس مشروط طور ملتوي ڪرڻ جي لاءِ خط لکيو هو.