اسرائيل خطي ۾ عدم استحڪام پيو پکيڙي، اسرائيل ۽ ايران ڇڪتاڻ روڪرائڻي پوندي: او آءِ سي اجلاس کي خطاب
استنبول (انٽرنيشنل ڊيسڪ) ترڪ صدر اسرائيلي قدم بي لغام، اڳرائيءَ وارا ۽ غير قانوني قرار ڏئي ڇڏيا.
سندس چوڻ هو ته اسرائيل خطي ۾ عدم استحڪام پکيڙي رهيو آهي، اسرائيل ۽ ايران ۾ ڇڪتاڻ روڪرائڻي پوندي.
صدر رجب طيب اردگان جو او آءِ سي اجلاس کي خطاب ڪندي چيو ته عالمي برادري اسرائيل جي اڳرائي روڪرائڻ لاءِ ڪردار ادا ڪري.
هن چيوته اسرائيل اڳ ۾ غزا تي حملو ڪيو، غزا ۾ 55 هزار فلسطيني شهيد ٿي چڪا آهن.
صدر رجب طيب اردگان جو چوڻ هو ته اميد آهي ته اجلاس جا فيصلا مسلمانن ۽ انسانيت جي حق ۾ هوندا.
هن چيو ته هي مسلمانن لاءِ اهم موقعو آهي، مسلمانن جو اتحاد وقت جي اهم ضرورت آهي، مسلمان متحد ٿي اسرائيلي اڳرائي خلاف آواز اٿارين.
