پاڪستان ايران سان ويجهن لاڳاپن ذريعي خطي ۾ امن قيام ۾ ڪردار ادا ڪندو رهيو آهي: شهباز شريف
اسلام آباد (نيشنل ڊيسڪ) وزيراعظم شهباز شريف چيو آهي ته وچ اوڀر ۾ امن جي هر ڪوشش ۾ تعميري ڪردار ادا ڪرڻ لاءِ تيار آهيون.
پاڪستان ايران سان ويجهن لاڳاپن ذريعي خطي ۾ امن قيام ۾ ڪردار ادا ڪندو رهيو آهي.
وزيراعظم شهباز شريف جون آمريڪي پرڏيهي وزير سان ٽيليفون تي ڳالهيون، سندس چوڻ هو ته آمريڪي صدر پاران پاڪستان لاءِ هاڪاري بيان جاري ڪرڻ ڏکڻ ايشيا ۾ امن لاءِ حوصلا افزائي آهي.
وزيراعظم شهباز شريف وڌيڪ چيو ته پاڪستان ڀارت سان سمورن معاملن تي ڳالهين لاءِ بلڪل تيار آهي.
