فيلڊ مارشل عاصم منير جي آمريڪي دوري دوران ٿنڪ ٽينڪس ۽ اسٽريٽجڪ معاملن جي نمائندن سان ملاقات
راولپنڊي (نيشنل ڊيسڪ) آءِ ايس پي آر چيو آهي ته فيلڊ مارشل عاصم منير چيو آهي ته پاڪستان علائقائي ڇڪتاڻ ۾ گهٽتائي ۽ سهڪار تي ٻڌل سڪيورٽي فريڪ ورڪ کي هٿي ڏيڻ ۾ فعال ڪردار ادا ڪندو رهندو.
آءِ ايس پي آر موجب آرمي چيف فيلڊ مارشل عاصم منير آمريڪا جي سرڪاري دوري دوران آمريڪي ٿنڪ ٽينڪس ۽ اسٽريٽجڪ معاملن جي نمائندن سان ملاقات ڪئي.
آءِ ايس پي آر جو چوڻ هو ته ملاقات دوران پاڪستان اسٽريٽجڪ ويزن کي بهتر طور سمجهڻ جو موقعو فراهم ڪيو.
آءِ ايس پي آر جي بيان موجب آرمي چيف واشنگٽن ۾ مشهور اسڪالرز، تجزئي نگارن، پاليسي ماهرن ۽ عالمي ميڊيا ادارن جي نمائندن سان ڳالهه ٻولهه ڪئي.
ملاقات دوران فيلڊ مارشل پاڪستان جي اصولي موقف کي علائقائي ۽ عالمي معاملن تي اجاگر ڪيو، دهشتگردي بابت پاڪستان جي نقطه نظر تي پڻ روشني وڌي.
