جرمني، فرانس ۽ برطانيه جا پرڏيهي وزير جنيوا ۾ ايراني هم منصب سان ڳالهيون ڪندا
جنيوا (انٽرنيشنل ڊيسڪ) پرڏيهه جي هڪ خابروا داري دعويٰ ڪئي آهي ته يورپي پرڏيهي وزير ايران سان ايٽمي معاملي تي ڳالهيون ڪندا.
پرڏيهي خابرو اداري موجب جرمني، فرانس ۽ برطانيه جا پرڏيهي وزير جنيوا ۾ ايراني هم منصب سان ڳالهيون ڪندا.
آمريڪا به ايراني هم منصب سان ملاقات تي رضامندي ظاهر ڪري ڇڏي، اسرائيل-ايران جنگ تي گڏيل قومن جي سلامتي ڪائونسل جو اجلاس پڻ جمعي تي طلب ڪيو ويو آهي.
اجلاس سڏائڻ جي درخواست ايران طرفان ڪئي وئي هئي، پاڪستان، چين ۽ روس جي به کيس حمايت حاصل آهي.
ايران جي نائب پرڏيهي وزير ماجد تخت روانچيءَ جو چوڻ آهي ته اسان ايٽمي هٿيارن تي يقين نٿا رکون.
جيڪڏهن آمريڪا اسرائيل سان جنگ ۾ شامل ٿيو ته اسان وٽ جوابي ڪارروائي کان سواءِ ٻيو ڪو به آپشن نه هوندو.
