ٽرمپ پنهنجي عوام سان واعدو ڪيو هو ته هو ڪا به نئين جنگ شروع نه ڪندو
اسلام آباد (نيشنل ڊيسڪ) اڳوڻي وفاقي وزير مشاهد حسين سيد چيو آهي ته آمريڪا اسرائيل-ايران جنگ ۾ شامل ٿي چڪو آهي.
ڊونلڊ ٽرمپ کي ان قدم جو تمام گھڻو سياسي نقصان ٿيندو، ٽرمپ عوام سان واعدو ڪيو هو ته هو ڪا به نئين جنگ شروع نه ڪندو.
مشاهد حسين سيد وڌيڪ چيو ته ايرانين کي ڊگهي جنگن جو تجربو آهي، آمريڪي ڪانگريس تي به اسرائيلي لابي جو قبضو آهي.
سندس چوڻ هو ته آمريڪا جي ايران خلاف جنگ ۾ شموليت ٻڌائي ٿي ته آمريڪي پارليامينٽ ۾ يهودين جي اڪثريت آهي جيڪا ٽرمپ کان فيصلا ڪرائي رهي آهي.
