پنجن مرحلن ۾ حدفن تي بيليسٽڪ ميزائل ڪيرايا ويا، اسرائيلي ايٽمي تحقيقاتي مرڪز نشانو بڻجي ويو
تهران (انٽرنيشنل ڊيسڪ) ايران جا ”وعده صادق سوم“ آپريش دوران اسرائيل تي جوابي حملا جاري.
پنجن مرحلن ۾ مختلف هنڌن تي بيليسٽڪ ميزائل ڪيرايا ويا، ايٽمي تحقيقاتي مرڪز کي نشانو بڻائڻ جي دعويٰ.
تل ابيب ۽ والاريل بيت المقدس ۾ بيليسٽڪ ميزائل فائر ڪيا ويا، 7 ھنڌن کي نشانو بڻايو ويو، 9 عمارتون مڪمل تباھه ٿي ويون.
ايران جي اسرائيلي ٿاڪن تي حملن ۾ 4 اسرائيلي مارجي ويا، 200 کان وڌيڪ زخمي ٿي پيا.
اسرائيلي بچاءَ واري وزارت ڀرسان عمارت کي باهه لڳي وئي، اسرائيلي فوج جي ترجمان کي پريس ڪانفرنس روڪڻي پئي.
ايران طرفاناسرائيل جا 2 جنگي جھاز تباھه ڪرڻ ۽ عورت پائليٽ گرفتار ڪرڻ جي دعويٰ پڻ ڪئي وئي آهي.
ايراني فوج جو چوڻ آھي ته هي ايف 35 اسٽيلٿ جھاز هئا، جيڪي ايران تي حملي دوران ڪيرايا ويا آهن.
اسرائيلي صحافي جو چوڻ آهي ته تل ابيب ۾ اسرائيلي فوجي ھيڊ ڪواٽر کي ڪاميابيءَ سان نشانو بڻايو ويو آھي.
اسرائيل تي ايراني ميزائل حملن کان پوءِ ھزارين ايراني شھرين روڊن تي نڪري جشن ملھايو، فوج جي حق ۾ نعريبازي.
ٻئي طرف ايراني پاسداران انقلاب جي سربراهه جو چوڻ آهي ته ميزائيل حملن ۾ 150 اسرائيلي ھدفن کي نشانو بڻايو ويو.
ايراني پاسداران انقلاب چيو ته اسرائيل جي قبضي هيٺ علائقن ۾ بيلسٽڪ ميزائيل ۽ ڊرونز سان هدفن کي ڪاميابيءَ سان نشانو بڻايو ويو.
سندس چوڻ هو ته انھن ئي اڏن تان ايران ۽ فلسطينين کي بمن سان نشانو بڻايو ويندو پي ويو آهي.
بينگاھه ماڻھن کي قتل ڪرڻ جو بدلو ورتو پيو وڃي، ايران جي سڪيورٽي ڳاڙهي ليڪ آهي، حملن جو ڀرپور جواب ڏنو ويندو.
