اسيمبلي اجلاس ۾ ايران تي حملي جي مذمت ڪئي وئي، مخالف ڌر پاران ايوان ۾ گوڙ، نعريبازي
ڪراچي (ويب ڊيسڪ) سنڌ اسيمبليءَ جي بجيٽ اجلاس ۾ سنڌ جو وڏو وزير سيد مراد علي شاهه بجيٽ پيش ڪري رهيو آهي، بجيٽ اجلاس ڊپٽي اسپيڪر نويد انٿوني جي صدارت هيٺ شروع ٿيو.
اجلاس جي شروعات ۾ قرآن شريف جي تلاول ۽ دعا سان ڪئي وئي، جنهن کان پوءِ وڏو وزير مراد علي شاهه نئين مالي سال جي بجيٽ پيش ڪرڻ شروع ڪئي.
بجيٽ تقرير ڪندي وڏي وزير مراد علي شاهه جو چوڻ هو ته ايران تي اسرائيل جي حملي جي مذمت ڪيون ٿا، قانون جي پاسداري هجڻ گهرجي.
سنڌ جي وڏي وزير سيد مراد علي شاهه جو چوڻ هو ته عالمي برادري اسرائيل جي حملي جو نوٽيس وٺي.
ان کان اڳ سنڌ اسيمبلي جو اجلاس شروع ٿيو ته ايوان پاران ايران تي حملي جي مذمت ڪئي وئي، ان موقعي تي ڊپٽي اسپيڪر چيو ته هي ايوان ايران تي اسرائيلي حملي جي مذمت ڪري ٿو.
وڏي وزير سيد مراد علي شاهه جي بجيٽ تقرير شروع ٿيندي ئي گڏيل مخالف ڌر جي ڊيسڪن تان گوڙ، هل ۽ هنگامون پڻ شروع ٿي ويو.
مخالف ڌر ۾ ايم ڪيو ايم پاڪستان، جماعت اسلامي ۽ پي ٽي آءِ جا ميمبر وڏي وزير جي بجيٽ تقرير دوران نعريبازي ڪندا رهيا.
