صدر مملڪت ۽ وزيراعظم پاران اسرائيلي حملي ۾ جاني نقصان تي ايراني عوام سان همدردي جو اظهار
اسلام آباد (نيشنل ڊيسڪ) صدر آصف علي زرداري، وزيراعظم شهباز شريف، پ پ چيئرمين بلاو ل ڀٽو ۽ پرڏيهي وزير اسحاق ڊار پاران ايران تي اسرائيلي حملي جي مذمت.
وزيراعظم پاران اسرائيلي حملي ۾ جاني نقصان تي ايراني عوام سان همدردي جو اظهار ڪيو ويو آهي.
صدر آصف علي زرداري چيو آهي ته اسرائيلي حملو ايران جي خودمختياري، علائقائي سلامتي، گڏيل قومن جي چارٽر ۽ عالمي قانون جي ڀڃڪڙي آهي.
عالمي برادري ۽ گڏيل قومن کي گهرجي ته اسرائيلي ظلم جو احتساب ڪن.
وزيراعظم شهباز شريف جو چوڻ آهي ته اسرائيلي جو غير ذميواراڻو قدم انتهائي ڳڻتي جوڳو آهي، عالمي برادري ۽ گڏيل قومون ڇڪتاڻ کي وڌڻ کان روڪڻ لاءِ قدم کڻن.
پيپلزپارٽي چيئرمين پاران گڏيل قومن کان ڇڪتاڻ گهٽائڻ جو مطالبو، سندس چوڻ هو ته اسرائيل جي ايران تي حملي سان علائقائي استحڪام کي خطرو آهي.
بلاول ڀٽو زرداريءَ پاران عالمي برادري ۽ گڏيل قومون ڇڪتاڻ گهٽائڻ لاءِ ڪردار ادا ڪن.
نائب وزيراعظم ۽ پرڏيهي وزير اسحاق ڊار جو چوڻ آهي ته اسرائيلي حملو ايران جي خودمختياري جي ڀڃڪڙي آهي.
اهڙي قدم عالمي قانون جي بنياد کي لوڏي ڇڏيو آهي، ايران تي اسرائيلي حملي جي سخت مذمت ڪريون ٿا.
سعودي عرب به ايران تي اسرائيلي حملي جي مذمت ڪري ڇڏي، سعودي پرڏيهي وزير چوي ٿو، حملي سان ايران جي خودمختياري ۽ سلامتي کي نقصان پهتو.
ايران تي حملو عالمي قانون جي ڀڃڪڙي آهي، جنگ روڪڻ جي ذميواري عالمي برادري جي آهي، ايران خلاف اسرائيلي جي جارحيت جي مذمت ڪريون ٿا.
