سنڌ طاس معاهدي جي هڪ طرفي معطلي عالمي قانون جي ڀڃڪڙي آهي: آمريڪي قانون سازن سان ملاقات ۾ ڳالهيون
واشنگٽن (انٽرنيشنل ڊيسڪ) بلاول ڀٽو زرداريءَ چيو آهي ته ڀارت ۾ دهشتگردي جو ڪو واقعو ٿئي ٿو، ثبوت هجي يا نه ان کي جنگ سمجهيو ويندو آهي.
سنڌ طاس معاهدي جي هڪ طرفي معطلي عالمي قانون جي ڀڃڪڙي آهي، 24 ڪروڙ پاڪستانين لاءِ پاڻي بند ڪرڻ جو اشارو هڪ وجودي خطرو آهي.
پ پ چيئرمين بلاول ڀٽو زرداري جون آمريڪي قانون سازن سان ملاقات دوران ڳالهائيندي چيو ته جيڪڏهن ڀارت اهو قدم کنيو ته جنگ جي اعلان برابر هوندو.
هن چيو ته ڀارت آبي وسيلن کي هٿيار طور استعمال ڪرڻ جي روايت قائم ڪري رهيو آهي.
مسئلن کي حل ڪرڻو آهي ته ڀارت کي اهڙين پاليسين کان روڪيو وڃي جو خطي ۽ دنيا لاءِ عدم استحڪام جو سبب بڻجي.
