گهرو وزير ضياءَ الحسن لنجار جي صدارت هيٺ موٽر وهيڪلز جي ضابطن ۾ ترميمن بابت اجلاس
ڪراچي (ويب ڊيسڪ) سنڌ سرڪار طرفان ٽريفڪ قانونن جي ڀڃڪڙيون ڪندڙن تي ڳرا ڏنڊ هڻڻ جو فيصلو.
سنڌ جي قانون ۽ گهرو وزير ضياءَ الحسن لنجار جي صدارت هيٺ موٽر وهيڪلز جي ضابطن ۾ ترميمن بابت اجلاس ٿيو.
اجلاس ۾ ڪمرشل ۽ غير ڪمرشل گاڏين جي فٽنيس کي لازمي بڻائڻ جو فيصلو ڪيو ويو.
گاڏين جي فٽنيس ٿرڊ پارٽي ذريعي ٿيندي، چئن سيٽن واري رڪشائن تي مڪمل پابندي لاڳو ڪرڻ لاءِ ترميمن جي منظوري ڏني وئي.
گهرو وزير جو چوڻ آهي ته روڊ تي هڪ کان ٻه سيٽن واري رڪشائن جي اجازت هوندي.
گهرو وزير جو چوڻ آهي ته ون وي جي ڀڃڪڙي ڪندڙ سرڪاري گاڏين تي 2 لک رپيا ڏنڊ لاڳو ڪيو ويندو.
رانگ وَي موٽرسائيڪل هلائيندڙن تي 25 هزار رپيا چالان هوندو، فور وهيلر طرفان ون وي جي ڀڃڪڙي تي هڪ لک رپيا ڏنڊ لاڳو ڪيو ويندو.
