ضلعي ڪڇ ۽ قلات ۾ دهشتگردن جي موجودگي جو اطلاع مليو هو، جتي ڪارروايون ڪيون ويون: آءِ ايس پي آر
قلات (نيشنل ڊيسڪ) سيڪيورٽي فورسز جي بلوچستان ۾ ڳجهي اطلاع تي ڪارروائي، فتنه الهندستان جا 7 دهشتگرد مارجي ويا.
آءِ ايس پي آر جو چوڻ آهي ته ضلعي ڪڇي ۽ قلات ۾ دهشتگردن جي موجودگي جو اطلاع مليو هو.
ڪارروائي دوران قلات ۾ فتنه الهندستان جا 2 ۽ مڇ واري علائقي ۾ 5 دهشتگرد ماريا ويا.
آءِ ايس پي آر جي جاري بيان ۾ وڌيڪ چيو ويو آهي ته دهشتگردن ۽ سندن سهولتڪارن کي انجام تائين پهچائينداسين.
