تعليم کاتي ڪراچي سميت مڙني ضلعن جي ڊائريڪٽرز پرائمري، ايلمينٽري، سيڪنڊري ۽ هائير سيڪنڊري کي خط جاري
ڪراچي (ويب ڊيسڪ) سنڌ جي تعليم کاتي پاران سنڌ جي سرڪاري اسڪولن جي شاگردن جي اکين جي ٽيسٽ ڪرائڻ جو فيصلو ڪيو ويو آهي.
ٻارڙن طرفان موبائيل جي وڌندڙ استعمال جي ڪري سنڌ جي تعليم کاتي پاران سرڪاري اسڪولن جي شاگردن جي اکين جي ٽيسٽ ڪرائڻ جو فيصلو ڪيو ويو.
گھرن ۾ ٻارن طرفان موبائل فون جي وڌندڙ استعمال کي نظر ۾ رکندي سموري صوبي جي سرڪاري اسڪولن جي شاگردن جي اکين جون ٽيسٽون ڪرايون وينديون.
ان بابت جاري ڪيل نوٽيفڪيشن موجب ”ويزن فار ايجوڪيشن فائونڊيشن“ شاگردن جي اکين جو معائنون ڪندي.
تعليم کاتي ڪراچي ڊويزن سميت صوبي مڙني ضلعن جي ڊائريڪٽرز پرائمري، ايلمينٽري، سيڪنڊري ۽ هائير سيڪنڊري اسڪولن کي خط جاري ڪيا ويا.
نوٽيفڪيشن ۾ چيو ويو آهي ته ٻارن جي اکين جي صحت تعليمي ميدان ۾ سڀ کان ضروري آهي، ان ڪري سمورن شاگردن جي اکين جي ٽيسٽ يقيني بڻائي وڃي.
ٽيسٽ ڪرائي وڃي جيئن اکين جي ڪنهن به امڪاني بيماري يا نظر جي ڪمزوريءَ جي بروقت سڃاڻپ ٿي سگھي ۽ ان جو علاج فراهم ڪري سگھجي.
