شروعاتي جاچ موجب فتنه الهندستان هارڊ ٽارگيٽ ۾ ناڪامي بعد سافٽ ٽارگيٽ کي نشانو بڻائي رهيا آهن: ڊي جي آءِ ايس پي آر
راولپنڊي (نيشنل ڊيسڪ) پاڪستان ڀارت جي 20 سالن جي اسٽيٽ اسپانسرڊ دهشتگرديءَ جا تفصيل دنيا آڏو پيش ڪري ڇڏيا، فتنه الهندستان خضدار حملي ۾ ملوث قرار.
ڊي جي آءِ ايس پي آر ليفٽينينٽ احمد شريف چوڌري ۽ وفاقي گھرو سيڪريٽري آفتاب اڪبر دراني گڏيل پريس ڪانفرنس ڪئي.
شروعاتي جاچ موجب فتنه الهندستان هارڊ ٽارگيٽ ۾ ناڪامي بعد سافٽ ٽارگيٽ کي نشانو بڻائي رهيا آهن.
دهشتگردن هي حملو اسڪول بس تي نه پر اسان جي قدرن تي ڪيو آهي، گهرو سيڪريٽري آفتاب اڪبر دراني جي پريس ڪانفرنس، ڊي جي آءِ ايس پي آر ليفٽيننٽ احمد شريف چوڌري ڀارت جي پراڪسي وار کي فتنه الهندستان جو نالو ڏئي ڇڏيو.
سندن چوڻ هو ته بلوچستان ۾ حملو ڀارتي انٽيليجنس ايجنسي را جي سرپرستي ۾ ٿيو، ڀارت آپريشن سندور ۾ بري طرح ناڪام ٿيو آهي.
ڀارت هاڻي دهشتگرد پراڪسيز کي بلوچستان ۾ دهشتگرديءَ جي ڪاررواين جو حڪم ڏنو آهي، 2009ع ۾ پاڪستان بلوچستان ۾ ڀارت جي ملوث هجڻ جا ثبوت گڏيل قومن ۾ پيش ڪري چڪو.
2016ع ۾ ڀارت جي دهشتگردي ۾ ملوث هجڻ جا ثبوت دنيا آڏو رکيا، ڀارت خطي جي امن کي خطري ۾ وجهي رهيو آهي.
ڊي جي آءِ ايس پي آر موجب دهشتگردن اسڪول جي معصوم ٻارن کي نشانو بڻايو، گرفتار مختلف دهشتگردن ڀارتي پٺڀرائي جو اعتراف ڪيو آهي.
ڊي جي آءِ ايس پي آر ۽ گھرو سيڪريٽري جو وڌيڪ چوڻ هو ته ڀارت دهشتگردن کي فنڊ فراهم ڪري ٿو، ڪلڀوشن ياديو اعتراف ۾ سڀ ڪجهه ٻڌائي چڪو آهي.
