هي ڪارنامو گنيز بڪ آف ورلڊ رڪارڊ ۾ شامل ٿيڻ جوڳو آهي: سينيئر صوبائي وزير
ڪراچي (ويب ڊيسڪ) سنڌ جي سينيئر صوبائي وزير شرجيل انعام ميمڻ چيو آهي ته سنڌ ۾ ٻوڏ متاثرن لاءِ 8 لک کان وڌيڪ گهر جڙي راس ٿي چڪا.
هي ڪارنامو گنيز بڪ آف ورلڊ رڪارڊ ۾ شامل ٿيڻ جوڳو آهي، سنڌ حڪومت پاران ٻوڏ متاثرن لاءِ کنيل قدم نه رڳو پاڪستان پر پوري دنيا لاءِ هڪ مثال بڻجي چڪا آهن.
ٻوڏ متاثر خاندانن لاءِ 21 لک گهرن جي اڏاوت جو خواب سنڌ حڪومت پنهنجي عزم ۽ بي پناهه محنت سان ساڀيان بڻايو.
هن چيو ته هي تاريخي منصوبو پاڪستان جي تاريخ ۾ سونهري اکرن سان لکيو ويندو، هي سڀ ڪجهه بلاول ڀٽو زرداري جي ويزن ۽ اڳواڻي جو نتيجو آهي.
